Fjallafélagiš Skrįning į póstlista
Viš erum į facebook!
Forsķša Feršir Myndir Leišalżsingar Haraldur Örn Fjallafélagiš
Fyrri leišangrar
Everest
Noršurpóllinn
Sušurpóllinn
Haraldur Örn :: Fyrri leišangrar :: Noršurpóllinn

Noršurpóllinn


Þann 10. mars 2000 flaug lítil Twin Otter skíðaflugvél lentir við nyrstu strönd Kanada. Eftir mikinn undirbúning var fyrsti íslenski Norðurpólsleiðangurinn að hefjast. Leiðangursmenn voru Haraldur Örn Ólafsson og Ingþór Bjarnason. Áður höfðu þeir meðal annars gengið yfir Grænlandsjökul og á Suðurpólinn og var þá með þeim í för Ólafur Örn Haraldsson.

Mikið mótlæti mætti þeim þegar fyrsta daginn. Frostið fór niður fyrir -50°C. Sleðarnir tveir voru hlaðnir vistum og búnaði til tveggja mánaða ferðar og var þyngd þeirra við upphaf ferðar um 130 kíló. Áætlun þeirra félaga var að ganga á pólinn án þess að fá utanaðkomandi stuðning.

Strax í upphafi mættu þeim gríðarmiklir íshryggir sem myndast þegar hafísinn rekur til og brotnar upp. Einnig var töluverður snjór á ísnum sem sleðarnir sukku í og sátu oft á tíðum fastir. Þeir þurftu því tveir að draga annan sleðann áfram og snúa svo til baka. Þetta gerði það að verkum að þeir þurftu að ganga sömu vegalengdina þrisvar sinnum.

Þrátt fyrir að leggja á sig gríðarlegt erfiði náðu þeir félagar ekki að komast nema 3 til 4 kílómetra á dag í átt að pólnum. Þetta var sorglega lítið í ljósi þess að heidlar vegalengdin í pólinn var 770 kílómetrar. Þeir áttu því fullt í fangi með að halda baráttuandanum gangandi við þessar fjandsamlegu aðstæður.

Stóra áfallið skall á eftir rúmlega tveggja vikna göngu. Þetta var kaldur dagur og við allt frostið bættist mikil vindkæling. Þeir áttu fullt í fangi með að halda á sér hita. Í lok dags var Ingþór orðinn loppinn á fingrunum. Þegar betur var að gáð kom í ljós að hann var með alvarlegt kal á nánast öllum fingrum. Fljótlega varð ljóst að Ingþór gæti ekki haldið áfram. Eftir að hafa staðið frammi fyrir erfiðum ákvörðunum ákvað Haraldur Örn að freista þess að halda göngunni áfram einn síns liðs. Þetta myndi þýða aukna áhættu og nýjar áskoranir og var því hafist stax handa um að gera nýja áætlun. Meðal annars var ákveðið að hann fengi birgðasendingu á miðri leið til að létta sleðann.

Við tók löng barátta. Við hvert fótmál var hætta og ný áskorun. Oft þurfti að krækja fyrir vakir eða ganga á þunnum ís. Dagleiðirnar lengdust og hjálpaði mikið til að sleðinn var nú léttari auk þess sem mesti kuldinn og verstu hryggirnir voru að baki.

Eftir mikla baráttu og mörg ævintýri  náði Harldur Örn á Norðurpólinn þann 10. maí 2000. Hann hafði þá verið tvo mánuði á ísnum og þar af einn og hálfan mánuð einn á ferð. Þetta var stór sigur sérstaklega í ljósi allra þeirra erfiðleika sem við var að glíma. Eftir tveggja daga bið á pólnum var Haraldur Örn sóttur á skíðaflugvél sem flutti hann aftur til Kanada.

+ Myndir


                                   
Kort
Tölfręši
StašurNoršur Ķshafiš
Vegalengd770 km.
Dagar60
TķmiMars - maķ 2000
milli
Fjallafélagiš ehf
milli
Kt.  560909-1010
milli
fjallafelagid@fjallafelagid.is 
milli
     
milli milli