Þverártindsegg 22.4.2023

20-23. apríl 2023

Þverártindsegg er eitt af flottustu fjöllum landsins. Hún er í útjaðri Vatnajökuls og gnæfir tignarleg yfir Kálfafellsdal í Suðursveit. Gangan er nokkuð brött í byrjun en liggur síðan upp jökul með þægilegum halla upp á hæsta tindinn. Leiðin er 17 km og hækkun 1700 m.

Brottför ræðst af veðurspá

Við leggjum mikið upp úr að fara í sem bestu veðri á toppinn. Því þurfa þátttakendur að taka frá dagana 20. til 23. apríl. Frí er á sumardaginn fyrsta sem er fimmtudagur og þarf að gera ráð fyrir fríi á föstudeginum. Lagt er af stað úr bænum síðdegis daginn fyrir uppgöngudag. Ekið er heim daginn eftir uppgöngu og þurfa þátttakendur því að vera tilbúnir að mæta heim í síðasta lagi um hádegi á mánudeginum. Athugið að gjald er ekki endurgreitt ef einhver þessara daga henta ekki.

Við munum gefa út upplýsingar um veðurútlit og líklegan uppgöngudag að morgni þriðjudagsins fyrir göngu.

Fararstjórn

Haraldur Örn Ólafsson ásamt fleiri fararstjórum Fjallafélagsins.

Gisting

Hver og einn þátttakandi sér um gisingu en Fjallafélagið mun benda á þann gistimöguleika sem best hentar.

Búnaður

Ísöxi, jöklabroddar, klifurbelti með karabínu og hjálmur er skylda. Einnig þarf að hafa með höfuðljós. Nánari upplýsingar um búnað er að finna á: ÚTBÚNAÐARLISTI FYRIR JÖKLAFERÐ

TÍMALENGD

8-10 klst.

TEGUND FERÐAR

Jöklaganga

INNIFALIÐ

Leiðsögn

ERFIÐLEIKASTIG

VERÐ

29.000 kr.

Availability: In stock



Product price
Additional options total:
Samtals:

DAGSKRÁ

20-23. apríl 2023

Lagt er af stað snemm að morgni uppgöngudags og ekið er inn Kálfafellsdal.

Ekið verður á einkajeppum að uppgöngustað en einnig er hægt að bóka flutning en þá er greitt aukalega fyrir það.

Gangan tekur 8 til 10 tíma.