Fjallkyrjur II vor 2024
Janúar - maí
Fjallkyrjur II
Við erum stolt af því að bjóða uppá lokaða hópa fyrir konur sem stunda fjallgöngur og njóta útiveru í skemmtilegum hópi kvenna.
Vorverkefni Fjallkyrja hefjast í janúar og lýkur í maí en það er magnað að ganga inn í vorið og upplifa hversu hratt myrkrið hörfar. Fátt er betra fyrir andann en að finna vorið kveðja veturinn með bæði birtu og hlýju.
Fjallkyrjur II hentar þeim sem eru vanar fjallgöngum.
Farið verður í göngur annað hvert þriðjudagskvöld kl 18 og annan hvern laugardag kl 10. Við hittumst á upphafsstað göngu nema þegar við færum okkur aðeins út fyrir höfuðborgarsvæðið, þá sameinumst við í bíla.
Leiksvæði okkar er höfuðborgarsvæðið og næsta nágrenni. Hvalfjörður, Kjós, austur fyrir fjall og Reykjanes, allt eftir því hvað aðstæður bjóða upp á. Við lítum iðulega á veðurspána þegar við skipuleggjum hverja göngu fyrir sig og því breytum við oft röð fjallanna sem við göngum á. Það kemur einnig fyrir að við þurfum að fella út fjöll vegna aðstæðna en þá finnum við alltaf annan skemmtilegan stað til að skoða og njóta.
Kvöldgöngurnar í mesta myrkrinu snúast um að vera í núinu, fá hreyfingu og súrefni og upplifa hversu magnað það er fyrir bæði líkama og sál að ganga úti í skammdeginu og í raun auðveldara en margar halda enda eru þær göngur oft á tíðum í miklu uppáhaldi kvenna. Við nýtum helgarnar og birtuna til að kanna nýjar slóðir og njóta umhverfisins og útsýnis.
Aðalmálið er að fara út og hreyfa sig, njóta þess að vera í náttúrunni í góðum félagsskap.
Við sendum Ítarlegar upplýsingar í tölvupósti fyrir hverja göngu og einnig erum við með lokaðan Facebook hóp þar sem við miðlum upplýsingum og deildum myndum og fleiru.
*Fyrirhugað er að fara í lokaferð fyrstu helgina í júní en staðsetningin kemur síðar í ljós. Athugið að greitt er sér fyrir þá ferð.
Fjallkyrjur II í hnotskurn
-
Gengið aðra hverja viku á þriðjudögum og laugardögum
-
15 göngur í heildina
-
Gott utanumhald og frábær félagsskapur
Fararstjórar
Kolbrún Björnsdóttir og Dögg Ármanssdóttir stýra verkefninu en með þeim verða Bára Mjöll Þórðardóttir, Eyrún Viktorsdóttir og Bjarnþóra Egilsdóttir.
Innifalið
- Leiðsögn, fræðsla og utanumhald í 15 ferðum
- Afsláttarkjör hjá samstarfsaðila – Fjallakofinn
- Ítarlegan búnaðarlista má finna hér.
Öryggismál, tryggingar og skilmálar
Mikil áhersla er lögð á að tryggja hámarks öryggi í öllum ferðum Fjallafélagsins. Fjallgöngur fela ávallt í sér áhættu og eru þátttakendur á eigin ábyrgð í ferðunum. Þátttakendur eru ekki tryggðir í ferðum með Fjallafélaginu og eru hvattir til að snúa sér til tryggingafélags síns og kaupa þar viðeigandi tryggingar. Skilmálar Fjallafélagsins eru aðgengilegir hér. Þátttökugjald verður ekki endurgreitt eftir 20. janúar 2024.
TÍMALENGD
4 mánuðir
TEGUND FERÐAR
Gönguhópur
INNIFALIÐ
Sjá lýsingu
ERFIÐLEIKASTIG
VERÐ
69.000 kr.
Availability: In stock
DAGSKRÁ
Dags | Ganga | Lengd | Hækkun | |
20. Jan | lau | Selfjall og Sandfell | 6 km | 300m |
30. Jan | þri | Helgafell Mosfellsdal | 4 km | 150m |
3. Feb | lau | Grímannsfell | 6 km | 380m |
13. Feb | þri | Reynisvatnsheiði | 6 km | 200m |
17. Feb | lau | Fjallafélagshringur Esju | 8 km | 530m |
27. Feb | þri | Skáldaleiðin | 7 km | 150m |
2. mars | lau | Litli Meitill og Eldborg | 7 km | 360m |
12. mars | þri | Reykjafell og Æsustaðafjall | 6,5 km | 350m |
16. mars | lau | Gullbringa og Geithöfði | 9 km | 400m |
Páskafrí | ||||
9. apríl | þri | Arnarhamar og Smáþúfur | 6,8 | 570m |
13. apríl | lau | Þyrill | 8 km | 450m |
23. apríl | þri | Lambafell og Lambafellshnjúkur | 5 km | 380m |
27. apríl | lau | Laugarvatnsfjall | 9 km | 530m |
7. maí | þri | Drottning og Kóngur | 5 km | 290m |
11. maí | lau | Geirmundartindur | 7 km | 630m |
31. maí 2. júní | helgi | Fjallkyrju helgarferð * |