Yfir Vatnajökul á skíðum

22.5.2021

Ganga yfir Vatnajökul er eitt af stóru ævintýrunum sem lifir með manni ævilangt. Fegurðin á þessum stærsta jökli Evrópu að vori er einstök. Þessi ferð er farin á skíðum um Hvítasunnu og verður gengið yfir jökulinn frá norðri til suðurs. Gangan hefst við Hveradal í Kverkfjöllum og gengið er yfir á Skálafellsjökul þar sem gangan endar. Alls er gangan 70 kílómetrar og verður farin á þremur dögum. Að meðaltali eru því gengnir 23 kílómetrar á dag. Um er að ræða nokkuð krefjandi jöklaleiðangur þar sem sofið verður tvær nætur í tjöldum og er farangur dreginn á sleðum. Þátttakendur verða að vera í góðu gönguformi og hafa náð tökum á gönguskíðum. Fjallafélagið býður upp á námskeið til undirbúnings fyrir ferðina.

Þátttakendur fara á eigin bílum upp að Skálafellsjökli þar sem áður var Jöklasel. Fara þarf á jeppa eða góðum jepplingi síðasta kaflann en hægt verður að fá far þennan hluta. Mæting við jökulinn er að morgni laugardagsins 22. maí. Hópurinn ásamt farangri verður fluttur á jeppum yfir jökulinn í Kverkfjöll þar sem gangan hefst.

Ítarlegur búnaðarlisti verður sendur þátttakendum í tölvupósti en á honum er m.a. utanbrautar gönguskíði, skíðaskór, stafir, púlka, svefnpoki dýna, tjald, prímus, fatnaður og nesti. Miðað er við að tveir þátttakendur sameinist um tjald og prímus.

Fararstjóri: Haraldur Örn Ólafsson stofnandi Fjallafélagsins.

Hámarksfjöldi: 16

 

 

TÍMALENGD

3 dagar

TEGUND FERÐAR

Skíðaleiðangur

INNIFALIÐ

Leiðsögn, akstur frá Skálafellsjökli í Jökulheima

ERFIÐLEIKASTIG

ALMENNT VERÐ

140.000

FJALLAFÉLAGAR

119.000 kr.

Out of stock

DAGSKRÁ

Laugardagur 22. maí 2021

Þátttakendur hittast að morgni við Skálafellsjökul. Ekið er þangað á eigin bílum. Miðað er við að ekið sé austur seinnipartinn á föstudeginum. Ekið í Kverkfjöll. Eftir að hafa skoðað Hveradal er lagt af stað yfir jökulinn og gengnir um 23 km. Tjaldað fyrri nóttina á jöklinum.

Hvítasunnudagur 23. maí 2021

Eftir orkuríkan morgunmat og frágang á tjöldum og öðrum búnaði er haldið áfram yfir jökulinn. Gengnir um 23. km. Í lok dags er tjaldað í seinna skipti á jöklinum.

Mánudagur 24. maí 2021. Annar í Hvítasunnu

Haldið er áfram suður yfir jökulinn og niður Skálafellsjökul þar sem gangan endar við jökuljaðarinn.

MYNDIR

GERAST FJALLAFÉLAGI