Ganga yfir Vatnajökul er eitt af stóru ævintýrunum sem lifir með manni ævilangt. Fegurðin á þessum stærsta jökli Evrópu á bjartasta tíma ársins er einstök. Gengið verður yfir jökulinn frá Jökulheimum að Skálafellsjökli, alls 120 kílómetrar. Að meðaltali eru gengnir um 20 kílómetrar á dag og er gert ráð fyrir að gangan sjálf taki 6 daga. Um er að ræða krefjandi jöklaleiðangur þar sem sofið verður í tjöldum og er farangur dreginn á sleðum. Þátttakendur verða að vera í góðu formi með góða reynslu af lengri fjallgöngum og/eða skíðaferðum.

Fararstjóri: Haraldur Örn Ólafsson stofnandi Fjallafélagsins.