Grunnnámskeið - Utanbrautar gönguskíði #1

8.1.2022

*Fullt

Enn er laust í hóp nr. 2:

https://fjallafelagid.is/product/grunnnamskeid-utanbrautar-gonguskidi-2-2/

Hópur 1: Grunnnámskeið Fjallafélagsins í notkun utanbrautar gönguskíða

Það er fátt skemmtilegra en að ganga á gönguskíðum og á þessu námskeiði kennum við hvernig við getum farið út fyrir brautina og gengið frjáls um ótroðnar slóðir. Markmiðið með námskeiðinu er að þátttakendur öðlist góðan grunn í að ferðast á skíðum og hafi þekkingu til að fara í dagsferðir á utanbrautar gönguskíðum á eigin vegum eða með Skíðabandalaginu. Námskeiðið hentar jafnt fyrir byrjendur og þá sem eru með ákveðinn grunn á skíðum.

Á námskeiðinu verður fræðsla um búnað svo sem skíði, skó, stafi, skinn og klæðnað. Þá verður kennsla í gönguskíðatækni, m.a. göngu á jafnsléttu, göngu upp brekkur og skíðun niður brekkur. Þá verður fræðsla um rötun, veðurspár, fjarskipti og næringu. Námskeiðið samanstendur af tveimur dögum á skíðum og einum fyrirlestri. Fyrri daginn verður fræðsla og skíðaæfingar en seinni daginn verður farið í 3 tíma skíðagöngu með kennslu og æfingum í grunnatriðum vetrarferðamennsku. Á fyrirlestrinum verður farið yfir helstu öryggismál og fróðleik um búnað.

Utanbrautar gönguskíði eru einnig nefnd ferðaskíði. Þetta eru nokkuð breið gönguskíði með stálköntum.  Utanbrautar gönguskíði skiptast í riffluð skíði og vax-skíði. Í sumum tilvikum eru festingar fyrir stutt skinn (einnig nefnd hálf-skinn) sem nota má þegar farið er upp brekkur. Við mælum með skíðum með grófum rifflum (fish scale/waxless) þar sem þau eru auðveld í notkun og henta vel íslenskum aðstæðum.

Staðsetning námskeiðsins verður ákveðin út frá veðri og snjóalögum og tilkynnt í tölvupósti. Þátttakendur sjá sjálfir um að koma sér á staðinn en miðað er við að akstur sé innan við klukkustund frá höfuðborgarsvæðinu. Dæmi um staðsetningu er Mosfellsheiði, Hengilssvæði, Þrengsli, Bláfjöll, Kaldidalur og Lyngdalsheiði.

Hámarksfjöldi er 20.

Kennarar á námskeiðinu eru Haraldur Örn Ólafsson, Þóra Tómasdóttir og Guðrún Ragna Hreinsdóttir.

Dagsetningar námskeiðsins kunna að breytast vegna veðurs eða snjóalaga. Í slíkum tilvikum verður fundin ný dagsetning og námskeiðið haldið þegar aðstæður leyfa.

TÍMALENGD

3 dagar

TEGUND FERÐAR

Námskeið

INNIFALIÐ

Kennsla

ERFIÐLEIKASTIG

ALMENNT VERÐ

19.500 kr.

FJALLAFÉLAGAR

16.575 kr.

Out of stock

DAGSKRÁ

Laugardagur 8. janúar 2022 kl. 10-13

Fjallað verður um ferðaskíðabúnað, m.a. skíði, skó, stafi, skinn, klæðnað o.fl. Kennsla í gönguskíðatækni, m.a. göngu á jafnsléttu, göngu upp brekkur og skíðun niður brekkur.

Miðvikudagur 12. janúar 2022

Fyrirlestur um búnað, rötun, veðurspár, fjarskipti, næringu og öryggismál.

Laugardagur 15. janúar 2022 kl. 10-13

Framhald á tækniæfingum. Framhald á fræðslu um búnað, rötun, veður, fjarskipti, næringu og öryggismál. Farið verður í 3 tíma skíðagöngu með kennslu og æfingum í grunnatriðum vetrarferðamennsku.

MYNDIR

GERAST FJALLAFÉLAGI