Grunnnámskeið - Utanbrautar gönguskíði

23.1.2021

**UPPSELT**

Grunnnámskeið Fjallafélagsins í notkun utanbrautar gönguskíða. Það er fátt skemmtilegra en að ganga á gönguskíðum og á þessu námskeiði kennum við hvernig við getum farið út fyrir brautina og gengið frjáls um ótroðnar slóðir. Markmiðið með námskeiðinu er að þátttakendur öðlist góðan grunn í að ferðast á skíðum og hafi þekkingu til að fara í dagsferðir á utanbrautar gönguskíðum á eigin vegum eða með Skíðabandalaginu. Námskeiðið hentar jafnt fyrir byrjendur og þá sem eru með ákveðinn grunn á skíðum.

Á námskeiðinu verður ítarleg fræðsla um búnað svo sem skíði, skó, stafi, skinn og klæðnað. Þá verður kennsla í gönguskíðatækni, m.a. göngu á jafnsléttu, göngu upp brekkur og skíðun niður brekkur. Þá verður fræðsla um rötun, veðurspár, fjarskipti og næringu. Námskeiðið samanstendur af tveimur dögum á skíðum og einum fyrirlestri. Fyrri daginn verður fræðsla og skíðaæfingar en seinni daginn verður farið í 4 tíma skíðagöngu með kennslu og æfingum í grunnatriðum vetrarferðamennsku. Á fyrirlestrinum verður farið yfir helstu öryggismál og fróðleik um búnað.

Utanbrautar gönguskíði eru einnig nefnd ferðaskíði. Þetta eru nokkuð breið gönguskíði með stálköntum.  Utanbrautar gönguskíði skiptast í riffluð skíði og vax-skíði. Í sumum tilvikum eru festingar fyrir stutt skinn (einnig nefnd hálf-skinn) sem nota má þegar farið er upp brekkur. Við mælum með skíðum með grófum rifflum (fish scale/waxless) þar sem þau eru auðveld í notkun og henta vel íslenskum aðstæðum.

Staðsetning námskeiðsins verður ákveðin út frá veðri og snjóalögum og tilkynnt í tölvupósti. Þátttakendur sjá sjálfir um að koma sér á staðinn en miðað er við að akstur sé innan við klukkustund frá höfuðborgarsvæðinu. Dæmi um staðsetningu er Mosfellsheiði, Hengilssvæði, Þrengsli, Bláfjöll, Kaldidalur og Lyngdalsheiði.

Hámarksfjöldi er 20.

Kennari á námskeiðinu er Haraldur Örn Ólafsson.

Dagsetningar námskeiðsins kunna að breytast vegna veðurs, snjóalaga eða samkomutakmarkana. Í slíkum tilvikum verður fundin ný dagsetning og námskeiðið haldið þegar aðstæður leyfa.

TÍMALENGD

3 dagar

TEGUND FERÐAR

Námskeið

INNIFALIÐ

Kennsla

ERFIÐLEIKASTIG

ALMENNT VERÐ

19.500 kr.

FJALLAFÉLAGAR

16.575 kr.

Out of stock

DAGSKRÁ

Laugardagur 23. janúar 2021

Fjallað verður um ferðaskíðabúnað, m.a. skíði, skó, stafi, skinn, klæðnað o.fl. Kennsla í gönguskíðatækni, m.a. göngu á jafnsléttu, göngu upp brekkur og skíðun niður brekkur.

Miðvikudagur 27. janúar 2021

Fyrirlestur um búnað, rötun, veðurspár, fjarskipti, næringu og öryggismál.

Laugardagur 30. janúar 2021

Framhald á tækniæfingum. Framhald á fræðslu um búnað, rötun, veður, fjarskipti, næringu og öryggismál. Farið verður í 4 tíma skíðagöngu með kennslu og æfingum í grunnatriðum vetrarferðamennsku.

MYNDIR

GERAST FJALLAFÉLAGI