Fjallkyrjur II – Þar sem hjartað slær

Fjallkyrjur II heldur áfram hjá Fjallafélaginu.  Við erum stolt af því að bjóða uppá lokaðan hóp fyrir konur,  sem vilja fara í fjölbreyttar göngur og njóta útiveru í skemmtilegum hópi kvenna.

Hópurinn hentar þeim sem hafa verið að ganga og vilja fara aðeins hraðar yfir.

Dagskráin hefst í byrjun september og lýkur í byrjun desember. Farið verður í göngur annað hvert þriðjudagskvöld kl 18 og annan hvern laugardag kl 10. 

Fyrir styttri göngurnar þá hittumst við upphafsstað göngunnar. Þegar við förum í lengri göngurnar þá hittumst við á höfuðborgarsvæðinu og sameinumst í bíla. 

Ef veðurspá er óhagstæð getur dagskráin breyst. Einnig kann í einhverjum tilvikum að vera nauðsynlegt að gera aðrar breytingar á dagskránni svo sem að ganga á annað fjall en upphaflega var áætlað eða að fella göngu niður vegna sérstaklega óhagstæðra skilyrða. Ítarlegar upplýsingar eru sendar í tölvupósti tímanlega fyrir göngu og þurfa því þátttakendur ávallt að fylgjast með tölvupósti sínum. Einnig er lokaður Facebook hópur notaður til samskipta.

Fjallkyrjur II í hnotskurn

• Gengið á fjall 4x í mánuði frá september til desember – á þriðjudögum og laugardögum
• 14 fjallaferðir í heildina
• Gott utanumhald og frábær félagsskapur

Fararstjórar

Kolbrún Björnsdóttir stýrir verkefninu en með henni verða Bára Mjöll Þórðardóttir, Dögg Ármannsdóttir og Bjarnþóra Egilsdóttir -Eyrún Viktorsdóttir er í fæðingarorlofi.

Innifalið

• Leiðsögn, fræðsla og utanumhald í 14 ferðum
• Afsláttarkjör hjá samstarfsaðila – Fjallakofinn

Ítarlegan búnaðarlista má finna hér.

Fjöldi þátttakenda:

Lágmark 25

Öryggismál, tryggingar og skilmálar

Mikil áhersla er lögð á að tryggja hámarks öryggi í öllum ferðum Fjallafélagsins. Fjallgöngur fela ávallt í sér áhættu og eru þátttakendur á eigin ábyrgð í ferðunum. Þátttakendur eru ekki tryggðir í ferðum með Fjallafélaginu og eru hvattir til að snúa sér til tryggingafélags síns og kaupa þar viðeigandi tryggingar. Skilmálar Fjallafélagsins eru aðgengilegir hér. Þátttökugjald verður ekki endurgreitt eftir 5.september 2023.