Fjallastígar Dólómítana

17.9.2022

Draumur í Dóló

Ítölsku Dólómítarnir eru heillandi útivistarparadís sem allt fjallafólk verður að upplifa! Þeir bjóða ekki bara upp á frábærar skíðabrekkur fyrir veturinn heldur einnig risastórt net af göngustígum, hjólastígum, Via ferrata klifurleiðum og fjallaskálum. Ferðin verður farin 17. – 23. september 2022 og munum við ganga skemmtilegar gönguleiðir með auðveldum Via ferrata leiðum á svæðinu í kringum Cortina d´Ampezzo sem er sannkallað hjarta Dólómítana.

Þessi ferð er blanda af fallegum göngum í magnaðri náttúru, léttu Via ferrata brölti á allra færi ásamt sjarmerandi bæjarlífinu í Cortina d´Ampezzo. Við gistum á hóteli í miðbæ Cortina sem er þekktur fyrir sögufrægar byggingar, góða veitingastaði, útivistarverslanir og fleira. Dagarnir eru því skipulagðir út frá Cortina en samkvæmt heimildum eru að meðaltali 300 sólardagarnir þar á hverju ári! September er frábært árstími til að njóta Dólómítana. Ferðin er hugsuð fyrir alla sem eru í þokkalegu gönguformi en við hvetjum þátttakendur til að æfa vel fyrir ferðina til að njóta hennar sem best.

Ferðin er skipulögð á sama tíma og Klettastígar Dólómítana en hóparnir tveir mun ferðast saman og gista á sama hóteli í Cortina en ganga ólíkar leiðir. Munurinn á ferðunum er sá að í Klettastígar ferðinni eru farnar gönguleiðir sem innihalda erfiðari Via ferrata leiðir sem kalla á gott líkamlegt form og að fólk eigi auðvelt með klettabrölt með fullu öryggi.

Via ferrata –  hvað er það?

Via ferrata þýðir “járnvegur” og vísar til stálvíra og stiga sem er fléttað inn í gönguleiðir til þess að ferðafólk komist leiðar sinnar með öruggum hætti. Þessar leiðir voru fyrst lagðar með skipulögðum hætti í fyrri heimsstyrjöldinni en þær eru um 600 talsins í Dólómítunum. Í þessari ferð förum við eina Via ferrata leið sem er auðveld og ætti að vera á allra færi. Á nokkrum öðrum stöðum eru vírinn á gönguleið okkar (ekki skilgreindar sem Via ferrata leiðir) til stuðnings og til að hámarka öryggi.

Innifalið:
  • Gisting á hóteli í miðbæ Cortina (6 nætur)
  • Morgunverður á hóteli alla dagana í Cortina
  • Sameiginlegir kvöldverðir í Cortina
  • Öll leiðsögn og akstur á göngudögum
  • Ferðir með kláfum
  • Akstur á milli Munchen og Cortina báðar leiðir
  • Leiga á Via ferrata kitti
  • Undirbúningsfundur
  • Íslensk fararstjórn
Ekki innifalið:
  • Millilandaflug
  • Einn kvöldverður á eigin vegum í Cortina
  • Gisting og kvöldverður fyrir síðustu nóttina á flugvallarhóteli í Munchen
  • Leiga á fjallahjóli

Hægt er að fá gistingu í eins manns herbergi á hótelum gegn aukagjaldi. Hægt að framlengja ferðina og eru þátttakendur þá á eigin vegum. Hver og einn þátttakandi sér um að bóka millilandaflug.

Fjöldi þátttakenda:

Lágmarksfjöldi 8 – hámarksfjöldi 14.

Tryggingar:

Þátttakendur sjá sjálfir um að kaupa forfalla- og ferðatryggingu. Fjallafélagið mælir með að þátttakendur kaupi sérstaka forfallatryggingu um leið og ferðin er bókuð. Mikilvægt er að ganga úr skugga um að tryggingin nái yfir kostnað við ferðina í heild sinni (ekki aðeins yfir fargjald og gistikostnað).

Bókun:

Hægt er að bóka ferðina með því að smella á „Bóka ferð“ og greiða staðfestingargjald. Einnig er hægt að senda tölvupóst á fjallafelagid@fjallafelagid.is. Staðfestingargjald að upphæð kr. 25.000 er óendurkræft.

Skilmálar:

Mikilvægt er að þátttakendur kynni sér skilmála Fjallafélagsins sem hægt er að hálgast hér: https://fjallafelagid.is/skilmalar/

Fararstjórar:

Fararstjórar eru útivistarhjónin Örvar Þór Ólafsson og Guðrún Árdís Össurardóttir en þau hafa mikla reynslu af fjallamennsku og leiðsögn innanlands sem utan. Örvar er framkvæmdastjóri Fjallafélagsins og hefur starfað að leiðsögn í rúman áratug. Saman hafa hjónakornin þverað Vatnajökul á skíðum, toppað Kilimanjaro og gengið í grunnbúðir Everest svo eitthvað sé nefnt. Undanfarin ár hafa þau einnig leiðsagt saman árlega ferð að Græna hrygg fyrir Ferðafélag Íslands en Örvar hefur farið þá ferð síðan 2010.

 

 

 

 

TÍMALENGD

8 dagar

TEGUND FERÐAR

Utanlandsferð

INNIFALIÐ

Sjá lýsingu

ERFIÐLEIKASTIG

VERÐ

285.000 kr.

Availability: In stock



Einstaklingsherbergi

Product price
Additional options total:
Samtals:

DAGSKRÁ

Dagur 1, laugardagur 17. september:

Ferðin hefst á flugvellinum í Munchen. Ekið í rútu til Cortina de Ampezzo á Ítalíu en aksturinn tekur uþb 4,5 klst. Komum okkur fyrir á hóteli í miðbæ Cortina. Sameiginlegur kvöldverður.

Dagur 2, sunnudagur 18. september:

Fyrsti göngudagurinn þar sem við hefjum leik á gönguleið sem er ein af perlum Dólómítana sem heitir Croda da Lago. Leiðin liggur að Lago Federa vatninu. Stoppum í Rifugio Croda da Lago skálanum og fáum okkur létta hressingu. Gengið áfram í kringum fjallið Cima Abrizzola (2715 m.). Beygjum svo inn á hina þekktu Alta Via 1 gönguleið og höldum áfram í áttina að Pass Giau skarðinu þar sem gangan endar. Sameiginlegur kvöldverður í Cortina. Vegalengd 12 km. Hækkun 950 m. Lækkun 350 m.

Dagur 3, mánudagur 19. september:

Við byrjum göngu dagsins þar sem við enduðum daginn áður, í Pass Giau skarðinu og höldum á Nuvolau fjall (2574 m.) sem bíður upp á stórkostlegt útsýni í allar áttir. Þekktir tindar blasa við t.d. Cristallo, Marmolada, Cima Abrizzola og Tofane. Á leiðinni er auðveld via ferrata leið (La Gusela) þar sem við smellum okkur í vírinn til að tryggja öryggi. Höldum áfram niður að fjallinu og eftir matarhlé skoðum við Cinque Torri klettana sem er eitt af þekktustu fjöllum Dólómítana. Göngum áfram niður í skóglendi og niður á veg þar sem rútan sækir okkur. Sameiginlegur kvöldverður í Cortina. Vegalengd 8 km. Hækkun 550 m. Lækkun 900 m.

Dagur 4, þriðjudagur 20. september:

Þennan þriðja göngudag skoðum við söguminjar eftir seinni heimsstyrjöldina. Við göngum frá Pass Falzerago skarðinu upp í Lagazuoi fjall en það geymir göng, loftvarnarbirgi og hella sem Ítalir, Austurríkismenn og Ungverjar notuðu í seinni heimsstyrjöldinni. Sögunni er komið á framfæri með upplýsingaskiltum og varðveittum minjum frá stríðinu sem sýna glöggt þær harðneskjulegu aðstæður sem hermenn þurftu að búa við í vetrarhörkum og við hættulegar aðstæður. Við göngum í gegnum göng og upp stiga með hjálm á höfðinu. Göngunni lýkur efst á fjallinu þar sem við heimsækjum Rifugio Lagazuoi skálann sem er í rúmlega 2700 metra hæð. Þar fáum við okkur hressingu og tökum svo kláfinn niður fjallið og í rútuna sem ekur okkur aftur til Cortina. Sameiginlegur kvöldverður í Cortina. Vegalengd 6 km. Hækkun 610 m. Lækkun  50 m.

Dagur 5, miðvikudagur 21. september:

Rólegur dagur þar sem við leigjum okkur fjallahjól og hjólum þægilega og fallega leið í nágrenni Cortina. Stoppum á kaffihúsi á leiðinni og njótum lífsins. Eftir að við komum aftur til Cortina er frjáls dagskrá það sem eftir lifir dags. Kvöldverður á eigin vegum í Cortina (ekki innifalinn).

Dagur 6, fimmtudagur 22. september:

Við ökum nú til Sexten Dólómítana og heimsækjum Tre Cime þjóðgarðinn. Þar er m.a. að finna “Tindana þrjá af Laverado” (Tre Cime Laverado / Drei Zinnen) sem er klárlega frægasta kennileiti í öllum Dólómítunum. Þessi tröllvöxnu fjöll eru mögnuð fyrirbæri með sína lóðréttu klettaveggi upp á hundruði metra. Fjöllin voru áður landamæri Austurríkis og Ungverjalands en í dag skilja þau að ítölsku héröðin Suður Týról og Belluno. Við göngum fallegan hring og skoðum þetta stórbrotna umhverfi úr öllum áttum. Vegalengd 12 km. Hækkun 520 m. Lækkun 520 m.

Dagur 7, föstudagur 23. september:

Síðasti dagurinn í Cortina þar sem við nýtum tímann til að ganga upp að Lago Sorapis vatninu frá Passo Tre Croci skarðinu fyrir ofan Cortina. Leiðin liggur í gegnum fallegan skóg og upp í fjallasal þar sem blágrænt vatnið er staðsett í rúmlega 1.900 metra hæð. Tindar eins og Punta de Sorapis (3.205 m.) gnæfa yfir okkur. Eftir gönguna ökum við til baka til Cortina. Eftir síðbúinn hádegisverð hefst heimferðin þar sem við ökum í rútu til Munchen. Komum okkur fyrir á flugvallarhóteli sem býður upp á kvöldverðarhlaðborð. Vegalengd 11 km. Hækkun 420 m. Lækkun 420 m.

Dagur 8, laugardagur, 24. september:

Eftir morgunverð er haldið út á flugvöll og flogið heim til Íslands.

SKRÁNING Í PRUFUTÍMA

Við bjóðum upp á frían prufutíma fyrir áhugasama. Fylltu út formið hér fyrir neðan og haft verður samband við þig varðandi næsta lausa tíma.