Fjallastígar Dólómítana 9.9.2023

9.9.2023

  • Staða ferðar:  Lágmarksþátttöku hefur ekki verið náð.
Draumur í Dóló

Ítölsku Dólómítarnir eru heillandi útivistarparadís sem íslenskt fjallafólk verður að upplifa! Þeir bjóða ekki bara upp á frábærar skíðabrekkur fyrir veturinn heldur einnig risastórt net af göngustígum, hjólastígum, Via ferrata klifurleiðum og fjallaskálum. Þessi ferð er blanda af fallegum göngum, ógleymanlegu brölti ásamt sjarmerandi bæjarlífinu í Cortina d´Ampezzo sem er sannkallað hjarta Dólómítana. Ferðin verður farin 9. – 16. september 2023 og við gistum hóteli í miðbæ Cortina sem er þekktur fyrir sjarmerandi byggingar, góða veitingastaði, útivistarvöruverslanir og fleira. Á heimleiðinni er gist síðustu nóttina í Feneyjum þar sem sem tækifæri gefst á að njóta þessarar einstöku borgar. Flogið er heim með Wizz air frá Feneyjum.

Via ferrata –  hvað er það?

Via ferrata þýðir “járnvegur” og vísar til stálvíra og stiga sem er fléttað inn í gönguleiðir til þess að ferðafólk komist leiðar sinnar með öruggum hætti. Þessar leiðir voru fyrst lagðar með skipulögðum hætti í fyrri heimsstyrjöldinni en þær eru um 600 talsins í Dólómítunum. Í þessari ferð förum við eina Via ferrata leið sem er auðveld og ætti að vera á allra færi. Á nokkrum öðrum stöðum eru vírinn á gönguleið okkar (ekki skilgreindar sem Via ferrata leiðir) til stuðnings og til að hámarka öryggi.

Innifalið
  • 8 daga ferð með íslenskri fararstjórn
  • Akstur til og frá flugvelli m.v. þau flug sem Fjallafélagið mælir með
  • Gisting á þriggja stjörnu hóteli með morgunverði í miðbæ Cortina (6 nætur)
  • Þrír sameiginlegir kvöldverðir í Cortina (sjá lýsingu)
  • Öll leiðsögn og akstur á göngudögum
  • Leiga á Via ferrata “kitti”
  • Undirbúningsfundur og búnaðarlisti

Ekki innifalið:

  • Millilandaflug
  • Hádegisverðir
  • Þrír kvöldverðir í Cortina (sjá lýsingu)
  • Gisting og kvöldverður fyrir síðustu nótt ferðarinnar í Feneyjum

Hægt er að fá gistingu í eins manns herbergi á hóteli gegn aukagjaldi. Hægt er að framlengja ferðina og eru þátttakendur þá á eigin vegum. Flug er ekki innifalið í ferðinni og sér hver og einn þátttakandi um að bóka flug en Fjallafélagið mun benda á ákveðin flug sem henta frá Íslandi.

Fjöldi þátttakenda

Lágmarksfjöldi 10 – hámarksfjöldi 14. Skrifleg staðfesting verður send á skráða þátttakendur þegar lágmarksfjölda er náð.

Tryggingar

Þátttakendur sjá sjálfir um að kaupa forfalla- og ferðatryggingu. Fjallafélagið mælir með að þátttakendur kaupi sérstaka forfallatryggingu um leið og ferðin er bókuð. Mikilvægt er að ganga úr skugga um að tryggingin nái yfir kostnað við ferðina í heild sinni (ekki aðeins yfir fargjald og gistikostnað).

Bókun

Hægt er að bóka ferðina með því að smella á „Bóka ferð“ og greiða staðfestingargjald. Staðfestingargjald að upphæð kr. 35.000 er óendurkræft.

Skilmálar

Mikilvægt er að þátttakendur kynni sér skilmála Fjallafélagsins sem hægt er að hálgast hér: https://fjallafelagid.is/skilmalar/

Fararstjórar

Fararstjóri er Örvar Þór Ólafsson, fararstjóri hjá Fjallafélaginu. Örvar hefur starfað að leiðsögn í rúman áratug og leiddi Fjallastíga Dólómítana í september 2022.

TÍMALENGD

8 dagar

TEGUND FERÐAR

Utanlandsferð

INNIFALIÐ

Sjá lýsingu

ERFIÐLEIKASTIG

VERÐ

295.000 kr.

Availability: In stock



Product price
Additional options total:
Samtals:

DAGSKRÁ

Dagur 1, laugardagur 9. september

Flogið frá Íslandi og ekið í rútu til Cortina d’Ampezzo á Ítalíu. Komum okkur fyrir á hóteli í miðbæ Cortina. Kvöldverður á eigin vegum.

Dagur 2, sunnudagur 10. september

Fyrsti göngudagurinn þar sem við hefjum leik á gönguleið sem er ein af perlum Dólómítana sem heitir Croda da Lago. Leiðin liggur að Lago Federa vatninu. Stoppum í Rifugio Croda da Lago skálanum og fáum okkur létta hressingu. Gengið áfram í kringum fjallið Cima Abrizzola (2715 m.). Beygjum svo inn á hina þekktu Alta Via 1 gönguleið og höldum áfram í áttina að Pass Giau skarðinu þar sem gangan endar. Kvöldverður á eigin vegum. Vegalengd 15 km. Hækkun 1.050 m. Lækkun 450 m.

Dagur 3, mánudagur 11. september

Við byrjum göngu dagsins í Passo Giau skarðinu og höldum á Nuvolau fjall (2574 m.) sem bíður upp á stórkostlegt útsýni á þekkt fjöll eins og Cristallo, Marmolada og Tofane. Á leiðinni er auðveld via ferrata leið (La Gusela) þar sem við smellum okkur í vírinn til að tryggja öryggi. Höldum áfram niður að fjallinu og eftir matarhlé skoðum við Cinque Torri klettana sem er eitt af þekktustu fjöllum Dólómítana. Göngum áfram niður í skóglendi og niður á veg þar sem rútan sækir okkur. Sameiginlegur kvöldverður í Cortina (innifalinn). Vegalengd 12 km. Hækkun 550 m. Lækkun 900 m.

Dagur 4, þriðjudagur 12. september

Þennan þriðja göngudag skoðum við söguminjar eftir seinni heimsstyrjöldina. Við göngum upp Lagazuoi fjall en það geymir göng, loftvarnarbirgi, hella og fleira en þarna var háð um 2 ára stríð á milli Ítala annars vegar og Austurríkismanna/Ungverja hins vegar. Sögunni er komið á framfæri með varðveittum minjum frá stríðinu sem sýna glöggt þær harðneskjulegu aðstæður sem hermennirnir bjuggu við. Við göngum upp göng og stiga með hjálm og höfuðljós. Hádegisverður í Rifugio Lagazuoi skálanum sem er í hæstur allra skála í Dólómítunum, 2750 m. Síðan er gengið niður fjallið með via ferrata búnað meðferðis og í rútuna sem ekur okkur aftur til Cortina. Sameiginlegur kvöldverður í Cortina (innifalinn). Vegalengd 13 km. Hækkun 900 m. Lækkun  900 m.

Dagur 5, miðvikudagur 13. september

Í dag er frjáls dagur og ferðalöngum í sjálfsvald sett hvað þeir nýta daginn í. Í boði verður stutt ganga með leiðsögumönnum fyrir hádegi fyrir þá sem það kjósa. Við getum ráðlagt göngu og/eða hjólaleiðir og aðstoðað við leigu á hjólum. Gott að nýta daginn í hvíld enda hörku dagur á morgun. Kvöldverður á eigin vegum.

Dagur 6, fimmtudagur 14. september

Við ökum nú til Sexten Dólómítana og heimsækjum Tre Cime þjóðgarðinn. Þar er m.a. að finna “Tindana þrjá af Laverado” (Tre Cime Laverado / Drei Zinnen) sem er klárlega frægasta kennileiti í öllum Dólómítunum. Fjöllin voru áður landamæri Austurríkis og Ungverjalands en í dag skilja þau að ítölsku héröðin Suður Týról og Belluno. Við göngum ævintýralegan hring og skoðum þetta stórbrotna umhverfi úr öllum áttum. Sameiginlegur kvöldverður í Cortina (innifalinn). Vegalengd 13 km. Hækkun 750 m. Lækkun 750 m.

Dagur 7, föstudagur 15. september

Síðasti dagurinn í Cortina þar sem við nýtum tímann til að ganga upp að hinu litríka Lago Sorapis vatni sem er fyrir ofan Cortina. Leiðin liggur í gegnum fallegan skóg og upp í fjallasal þar sem blágrænt vatnið er staðsett í rúmlega 1.900 metra hæð. Tindar eins og Punta de Sorapis (3.205 m.) gnæfa yfir okkur. Vegalengd 12 km. Hækkun 450 m. Lækkun 450 m. Eftir gönguna ökum við til baka til Cortina. Eftir síðbúinn hádegisverð hefst heimferðin þar sem við ökum í rútu á hótel í Feneyjum sem Fjallafélagið hefur mælt með. Kvöldverður á eigin vegum í Feneyjum. 

Dagur 8, laugardagur, 16. september

Eftir morgunverð er haldið út á flugvöllinn í Feneyjum og flogið heim til Íslands.