GERAST FJALLAFÉLAGI

3.500 kr á mánuði* eða 19.000.- kr fyrir 3 mánuði**

Áskrift að hreyfingu, fræðsla, afsláttur af ferðum Fjallafélagsins, afsláttur í verslunum og ekki síst góður félagsskapur.
  • Ef þú vilt komast í gott form með því að stunda útivist
  • Ef þú vilt stefna að spennandi fjallaverkefni
  • Ef þú vilt fræðast um allt sem við kemur fjallamennsku
  • Ef þú vilt kynnast skemmtilegu fólki

Þá er Fjallafélagið fyrir þig.

*Binding í 12 mánuði. Áskrift er ótímabundin og uppsegjanleg án fyrirvara eftir 11 mánuði.

**Þú staðgreiðir 3 mánuði.

Við bendum á að mörg stéttarfélög styrkja félagsmenn sína til þátttöku í æfingum Fjallafélagsins.

IMG_0704_edited

Æfingar

Vikulegar æfingar Fjallafélagsins eru fyrir alla sem vilja halda nýta útivistina til að auka þol og styrk og byggja sig þannig upp fyrir stærri áskoranir. Æfingarnar eru jafnt fyrir þá sem eru að stíga sín fyrstu skref í útivistinni sem og þá sem lengra eru komnir. Við leggjum þannig áherslu á að hver og einn hreyfi sig á sínum forsendum. Við bendum byrjendum einnig á Grunnnámskeið Fjallafélagsins en ekki er skilyrði að hafa farið á þau til að mæta á æfingar.

Æfingarnar eru frábær leið til að æfa í hóp og fá fræðslu frá þjálfara um útivist.

Æfingarnar eru á þriðjudögum og fimmtudögum kl. 18 og taka um 1-3 klst. og fara fram á höfuðborgarsvæðinu eða nágrenni þess. Æfingarnar eru allt árið um kring. Upplýsingar um næstu æfingu eru gefnar út í hádeginu á mánudegi og taka mið af veðurspá og öðrum aðstæðum. Hámarksfjöldi er á æfingum og hafa þeir forgang sem bóka fyrstir. Við munum auka við fjölda æfinga í samræmi við eftirspurn.

Við æfum í náttúrunni á fjölbreyttan hátt:

  • Fjallgöngur
  • Fjallahjól
  • Utanbrautarskíði og fjallaskíði

Fjallgöngur: Megin áherslan er á fjallgönguæfingar. Við æfum á Esjuna að Steini, Úlfarsfell, Helgafell ofan Hafnarfjarðar og öðrum fjöllum í nágrenni Reykjavíkur. Einnig tökum við brekkuspretti og aðrar þolæfingar. Yfir bjartasta tímann aukum við fjölbreytni og förum lengra út frá borginni til æfinga.

Fjallahjól: Við förum reglulega út að leika á fjallahjólum. Þessar æfingar eru fyrir allar tegundir fjallahjóla og jafnt fyrir byrjendur sem lengra komna. Hjólaleiðin og byrjunarstaður verður gefin út fyrirfram. Við hjólum út frá eigin getu og leggjum áherslu á að æfa á eigin forsendum. Æfingarnar fara fram í Heiðmörk, Öskjuhlíð og fleiri stöðum í nágrenni höfuðborgarsvæðisins. Þeir sem eiga ekki fjallahjól fá fjallgönguverkefni í staðinn.

Utanbrautarskíði og fjallaskíði: Yfir veturinn bætum við inn nokkrum æfingum á utanbrautarskíðum og fjallaskíðum. Skíðaæfingarnar fara fram í Bláfjöllum og fleiri stöðum í nágrenni höfuðborgarinnar. Við bendum á að hægt er að leigja skíði. Þeir sem ekki hafa aðgang að skíðum fá fjallgöngu verkefni í staðinn.

Fræðsla

Í hverjum mánuði sendum við fjallafélögum áhugaverða umfjöllun um útivist.

Afsláttur af ferðum Fjallafélagsins

Fjallafélagar fá afslátt af ferðum Fjallafélagsins. Afslátturinn er tilgreindur í lýsingu á hverri ferð.

Afsláttur í verslunum

Fjallafélagar fá afslátt í verslunum og sértilboð af búnaði.

Er Fjallafélagið eitthvað fyrir mig?

Fjallafélagið er fyrir alla sem eru við góða heilsu og hafa áhuga á að njóta útivistar. Allir þekkja þá tilfinningu að vera stíga út fyrir þægindaramman og óttast að vera hægari en allir hinir.  Í ferðum Fjallafélagsins er lögð áhersla á að njóta útiverunnar og því engin ástæða til að óttast. Ef þú ert enn í vafa, hafðu samband og við gefum þér góð ráð. 

MYNDIR

GERAST FJALLAFÉLAGI