FjallafÚlagi­ Skrßning ß pˇstlista
Vi­ erum ß facebook!
ForsÝ­a Fer­ir Myndir Lei­alřsingar Haraldur Írn FjallafÚlagi­
FjallafÚlagi­
Um okkur
Skilmßlar
FrÚttir
B˙na­arlistar
J÷klafer­
Almenn fer­
FjallafÚlagi­ :: FrÚttir :: GiljaŠvintřri og kaffibo­

GiljaŠvintřri og kaffibo­


Laugardaginn 21. febrúar var ferðinni heitið á Laugarvatnsfjall.  

Í staðinn fyrir að leiða hópinn upp á fjall ákváðu fararstjórarnir Haraldur og Örvar að leiða hópinn um ævintýralegt Stóragilið sem þeir þekkja vel úr æsku.  Í gilinu er gengið inn í ævintýraheim þar sem himinbjörgin gnæfa yfir manni, klettasyllur og drangar draga skarpar línur og ómurinn berst úr álfakirkjunni.  Í vetrarbúningi skartar gilið risa grýlukertum innan um snævi þakið stórgrýtið.  Trúlofunarhríslan varð á vegi göngugarpana áður en þeir nutu næringar og hvíldar í Stórahelli en stærðarinnar snjóskafl fór langt með að loka gríðarstórum hellismunnanum.  

Eftir giljaævintýrið var skógargatan ofan Laugarvatns gengin út að styttunni af Jónasi frá Hriflu, þaðan niður að gamla Héraðsskólanum sem er eitt fegursta hús á Íslandi.  Þar var hópmyndin tekin.  Óvenjuleg "toppamynd" í þetta skipti en fullkomlega í takt við daginn þar sem fegurðin í þetta skipti var ekki síst fólgin í kaupstaðnum og umhverfi hans.  

Eftir göngu var öllum hópnum boðið í kaffiboð í Stöng en Haraldur Matthíasson fv. menntaskólakennari og Kristín S. Ólafsdóttir, föðurafi og amma Haralds og Örvars, byggðu Stöng og fluttu þangað inn árið 1955.  Börnin þeirra, Jóhanna, Ólafur og Þrúður voru í hópnum og rifjuðu upp sögu hússins ásamt öðru.  

Sjá myndir á myndasíðum

 

or   Sjß allar frÚttir
Skilabo­
milli
FjallafÚlagi­ ehf
milli
Kt. 560909-1010
milli
fjallafelagid@fjallafelagid.is
milli
milli milli