Það er tilhlökkun í loftinu fyrir helgina. Yfir fimmtíu manns á vegum Fjallafélagsins leggja í stóra verkefnið næstkomandi sunnudag; annars vegar á Hvannadalshnúk og hins vegar á Hrútsfjallstinda. Þessum ferðum var frestað frá síðustu helgi vegna veðurs.
Fyrir meirihluta hópsins er þetta langþráð lokatakmark í 10.000 metra áskorun Fjallafélagsins sem hófst þann 26. janúar síðastliðinn. Þessar kempur hafa farið í samtals 18 undirbúningsgöngur, allt frá Eyrarfjalli og Glym að Botnssúlum og Heklu. Einnig var bryddað upp á nýjungum eins og fjölskyldugöngu í Heiðmörk og Norðuljósagöngu á Þingvöllum.
Veðurútlit er gott fyrir sunnudaginn; loksins er almennilegt gat á milli lægða!
Myndir og ferðafrásögn mun birtast hér á vefnum eftir ferðirnar.
