Fjallaf?lagi? Skráning á póstlista
Viđ erum á facebook!
+Forsíđa +Ferđir +Myndir +Leiđarlýsingar +Haraldur Örn +Fjallafélagiđ
Ferđir í bođi
FJALLGÖNGUÁSKORUN 2020


Lögildur ferdaskipuleggjandi
Ferđir :: Ferđir í bođi :: FJALLGÖNGUÁSKORUN 2020

FJALLGÖNGUÁSKORUN 2020


TÍMAMÓTAÁR FRAMUNDAN

Fjallafélagið fagnar 10 ára afmæli um þessar mundir en árið 2010 var einmitt fyrsta árið sem boðið var upp á skipulagða fjallgöngudagskrá. Hún kallaðist 9.000 metra áskorun og endaði með einhverri fjölmennustu göngu sem sögur fara af á Hvannadalshnúk. Síðan eru göngurnar á þriðja hundrað! Bræðurnir Haraldur Örn og Örvar Þór Ólafssynir standa á bak við félagið og munu sem fyrr leiða ævintýraþyrst fjallafólk upp um alla koppa og grundir árið 2020 ásamt öðrum þaulvönum leiðsögumönnum. Einstaklega samheldinn og góður hópur sem elskar útiveru er það sem einkennir Fjallafélagið. Í gegnum samveruna á fjöllum upplifir fólk ævintýrin saman og vináttubönd myndast.  Við bjóðum nýja meðlimi hjartanlega velkomna í hópinn!


Eins og síðustu ár leitum við á fjöll sem Fjallafélagið hefur ekki farið á áður og munum leggja land undir fót á nýju ári í nokkur spennandi verkefni. Dagskráin er mjög fjölbreytt þar sem við göngum á þekkt sem og minna þekkt fjöll - góð blanda af erfiðleikastigum þar sem við njótum útiverunnar og félagsskapsins í botn!

Þessi fjallgönguáætlun höfðar til þeirra sem vilja gera útivist og fjallgöngur að lífsstíl og halda sér þannig gangandi allt árið! Nokkur verkefnin eru krefjandi sem kallar á gott líkamlegt ástand. Gönguhraði er þó stilltur af eftir hópnum og aðstæðum hverju sinni.

+ Fjallgönguáskorunin í hnotskurn:

  • Gengið á 4 vikna fresti yfir allt árið - á miðvikudögum og laugardögum
  • 22 fjallaferðir í heildina, þar af tvær helgarferðir
  • Hefst 18. janúar á Akrafjalli
  • Ein tækniæfing þar sem farið er yfir notkun á jöklabúnaði og fleira
  • Innifalið í verði:
    • Leiðsögn og fræðsla í öllum 22 ferðum
    • Afsláttarkjör hjá samstarfsaðilum - Fjallakofinn og Garminbúðin 
    • Sérstök kynningar- og afsláttarkvöld

+ Skráning og greiðslur

*****   UPPSELT   ******* 

+ Dagskrá 

Dagsetn.
Dagur
Verkefni
Hæð
Hækkun
Lengd
18. jan.
Laugardagur
Akrafjall
643
583
7 km
12. feb.
Miðvikudagur
Reykjaborg frá Hafravatni
245
280
5 km
15. feb.
Laugardagur
Tækniæfing
 
 
 
11. mars
Miðvikudagur
Stardalshnúkur og Tröllafoss
425
310
6 km
14. mars
Laugardagur
Strútur í Borgarfirði
937
380
12 km
1. apríl
Miðvikudagur
Esja - Steinn
600
          580              6 km
4. apríl
Laugardagur
Botnssúlur - Vestursúla
1086
1050
15 km
6. maí
Miðvikudagur
Keilir
378
270
6 km
9. maí
Laugardagur
Eyjafjallajökull
1651
1700
20 km
3. júní
Miðvikudagur
Vífilsfell
655
415
6 km
6. júní
Helgarferð
Giljahopp í Mýrdal
880
850
14 km
4. júlí
Laugardagur
Kerlingarfjöll
1501
880
10 km
31 júlí - 3. ágúst
Helgarferð
Svarfaðardalur - einn með öllu
 
 
 
26. ágúst
Miðvikudagur
Móskarðshnúkar
                              807            670              8 km
29. ágúst
Laugardagur
Hlöðufell
1186
720
7 km
23. sept
Miðvikudagur
Grímansfell
335
300
8 km
26. sept
Laugardagur
Hróarstindur og Hafnarfjall
842
1500
17 km
21. okt
Miðvikudagur
Esja - Kerhólakambur
          851            805            7 km
24. okt
Laugardagur
Kálfstindar
877
750
10 km
18. nóv
Miðvikudagur
Helgafell í Hafnarfirði
339
290
6 km
21. nóv
Laugardagur
Hrómundartindur
550
450
7 km
31. des
Gamlársdagur
Hátíðarganga á Úlfarsfell
295
280
5 km

 

   Verð: 78.000 kr. 

50% maka afsláttur (maki greiðir hálft gjald). 

Hámarksfjöldi: 80

Ekki er hægt að kaupa stakar ferðir.   Athugið að mörg stéttarfélög og fyrirtæki veita styrk gegn framvísun á kvittun frá Fjallafélaginu. 

Nánari upplýsingar
Miðvikudagsgöngurnar munu hefjast kl. 18:00 og laugardagsgöngurnar kl. 10:00 nema annað sé tekið fram. Hópurinn hittist við upphafsstað göngunnar á miðvikudögum. Á laugardögum verður í boði að hittast á höfuðborgarsvæðinu á fyrirfram ákveðnum stað og sameinast í bíla. Ítarlegar upplýsingar eru sendar í tölvupósti fyrir hverja göngu. Ef veðurspá er óhagstæð og áberandi betra veðri spáð daginn eftir mun ferðum í einhverjum tilvikum vera frestað um einn dag. Þannig getur miðvikudagsganga orðið fimmtudagsganga og laugardagsganga orðið sunnudagsganga. Einnig kann í einhverjum tilvikum að vera nauðsynlegt að gera aðrar breytingar á dagskránni svo sem að ganga á annað fjall en upphaflega var áætlað eða að fella göngu niður vegna óhagstæðra skilyrða nokkra daga í röð. Tilkynningar verða sendar til þátttakenda um hádegi daginn fyrir göngu og þurfa því þátttakendur ávallt að fylgjast með tölvupósti sínum. Einnig er Facebook hópur notaður til samskipta.

Ítarlegan búnaðarlista má finna hér.

Fyrir hverja?
Fjallgönguáætlunin hentar öllum sem vilja stunda útivist og fjallgöngur allt árið. Sumar göngurnar eru nokkuð krefjandi en allir hraustir einstaklingar sem eru í ágætri þjálfun ráða vel við verkefnin. Engu að síður gerir Fjallafélagið þá lágmarkskröfu til getu þátttakenda að þeir geti haldið í við hópinn á rólegri göngu.  

Öryggismál, tryggingar og skilmálar
Mikil áhersla er lögð á að tryggja hámarks öryggi í öllum ferðum Fjallafélagsins. Farið verður yfir öryggismál á undirbúningsfundi og við upphaf ferðar.  Í ákveðnum göngum er skylda að vera með viðeigandi jöklabúnað (ísöxi/jöklabrodda/belti) og verður send út tilkynning um slíkt með fyrirvara. 
Mikilvægt er að þátttakendur taki vel eftir þessum atriðum og fari eftir leiðbeiningum fararstjóra. Fjallgöngur fela ávallt í sér áhættu og eru þátttakendur á eigin ábyrgð í ferðunum. Þátttakendur eru ekki tryggðir í ferðum með Fjallafélaginu og eru hvattir til að snúa sér til tryggingafélags síns og kaupa þar viðeigandi tryggingar.  Skilmálar Fjallafélagsins eru aðgengilegir 
hér. Þátttökugjald verður ekki endurgreitt eftir 1. febrúar.


Kort
Hagnýtar upplýsingar um ferđ
milli
Fjallafélagiđ ehf
milli
Kt. 560909-1010
milli
fjallafelagid@fjallafelagid.is
milli
milli milli